Showing posts with label ஊர் சுற்றி புராணம். Show all posts
Showing posts with label ஊர் சுற்றி புராணம். Show all posts

சிங்கப்பூர் IT Show 2008 பற்றி நேற்றே சுடச்சுட ஒரு பதிவு நேற்றே போட்டாகிவிட்டது. இன்று அதைப்பற்றி ஒரு ஒரு அலசல்.
நான் வாங்க நினைத்திருப்பது ஒரு நல்ல Configuration லேப்டாப். இம்முறை ஐ.பி.எம் லெனோவோ மற்றும் திங்க்பேடில் அப்படி ஒன்றும் பெரிய Offer-கள் இல்லை.


SONY VAIO, பக்கம் கூட நெருங்கமுடியவில்லை. விலை சற்று குறைந்திருந்தாலும் அப்படி ஒன்றும் நல்ல configuration கிடைக்கவில்லை. இருப்பினும், அதன் look and feel அற்புதமாக உள்ளது.

Dell பொருத்தவரை ஆன்லைனில் இருக்கும் அதே Offer-கள் தான். முதல் நாளே சற்று இறுதி நேர மாறுதல்கள் தெரிந்தன(திடீரென்று 250GB Harddisk upgrade என்று கூறினர்). எனவே, இறுதி நாள் வரை காத்திருந்தால் இன்னும் கிடைக்க வாய்ப்பிருக்கிறது.

ACER இல் சில நல்ல மாடல்கள் நல்ல விலையில் கிடைக்கின்றன. நான் ஒரு கடையில் விசாரித்துக்கொண்டிருக்கும் போது 3GB RAM upgrade கேட்டபோது உங்களுக்காக இலவசமாக தர முயற்சி செய்கிறேன் என்றார் சேல்ஸ் பையன். எனவே இறுதி நாள் வரை காத்திருந்தால் இன்னும் நல்ல Offer கிடைக்கும் என்றே நம்புகிறேன்.

MAC பக்கம் சென்றபோது அங்கு புத்தம்புதிய MAC AIR மாடல் நல்ல ஓட்டம் ஓடிக்கொண்டிருந்தது.

கடந்த முறை, SITEX ‍இல் என் நண்பர் ஒருவர் அட்டகாசமான configuration இல் ஒரு லெனோவோ லேப்டாப் ஒன்றை இறுதி நாளன்று நல்ல விலையில் அள்ளினார். எனவே இந்த முறையும் பொருத்திருந்து பார்க்கலாம் என்றே நம்புகிறேன்.

காமிராக்களும் LCD TV களும் இடங்களை வியாபித்திருந்தன. DSLR காமிராக்கள் 1500$க்கு குறையாமல் இருந்தன. எனவே சந்தைக்கும் இங்குக்கும் பெரிய வித்தியாசம் இருப்பதாய் தெரியவில்லை.

புதிதாய் செல்பவர்களுக்கு,
உங்கள் விருப்பம் லேப்டாப் அல்லது ப்ரின்டர் என்றால் கண்ணைமூடிக்கொண்டு 4வது ஃப்ளோருக்கு செல்லுங்கள்.

உங்கள் விருப்பம் மற்ற சிறிய கணிப்பொறி பாகங்கள் என்றால் நேரடியாக 6வது ஃப்ளோர் செல்லுங்கள்.

உங்கள் விருப்பம் சோனி அல்லது ஸ்டார்ஹப் என்றால் நீங்கள் செல்ல வேண்டியது 3வது ஃப்ளோருக்கு.

நீங்கள் எதை வாங்க தீர்மானித்திருக்கிரீர்களோ, அந்த செக்ஷனுக்கு முதலில் செல்லுங்கள்.ஒருமுறை சென்று விலைகளை கவனித்துக்கொள்ளுங்கள். அப்புறம் இறுதி நாள் மதியம் அல்லது சாயங்காலம் சென்று வாங்கிவாருங்கள். ஏனெனில் விலை குறையக்கூடிய வாய்ப்பு அதிகமாக உள்ளது.

Smooth talk ‍ன் பின்னூட்டத்தையும் கொஞ்சம் நினைவில் கொள்ளுங்கள்.

Happy Shopping

சிங்கப்பூர் IT Show 2008

SITEX Expoவுக்கு பிறகு க்ரெடிட் கார்டுக்கு ஆப்பு வைக்க வந்திருக்கும் அடுத்த IT-திருவிழா. இம்முறை சன்டெக் மாலில் 4 ஃப்ளோர்களில் பட்டாசாக இருக்கிறது IT Show 2008. முதல் ஃப்ளோரில் என்னால் ஏதும் கண்டுபிடிக்க முடியவில்லை Panasonic தவிர. ஒரு சில IP Phone, Laptop-களைத்தவிர பெரிதாக ஒன்றும் போட்டு விடவில்லை. ஒரு laptop தண்ணீரில் நனைந்து கொண்டிருப்பது போல் வைத்திருந்தார்கள். வியாபார தந்திரம்!!!

3வது ஃப்ளோரில் நுழைந்தவுடன் StarHUB மட்டுமே தென்பட்டது. போச்சுடா இது SITEX மாதிரி இல்லை போல என்று திரும்பினால், அங்கே ஒரு பெரிய வீதி நீளத்திற்கு திருவிழா கடை போட்டிருந்தது நம்ம சோனி. எங்கு பார்த்தாலும் VAIO-களும் LCD TV and DSLR camera-களுமே இருந்தன. அந்த கும்பலுக்கு நடுவிலும் நம்மாட்கள்(நம்ம வயது ஆட்கள் பா. உடனே இதுக்கும் சண்டைக்கு வராதீங்க) வாயை பிளந்து ரெக்கார்ட் டான்ஸ் பார்த்துக்கொண்டிருந்தனர். ஆமாம் சோனி ‍க்கு எதற்கு செல்கிறோமோ இல்லையோ, குறைந்தபட்சம் டான்ஸ் பார்க்கவாவது போகலாம். சும்மா வாங்கி போட்டு குத்துகிறார்கள்.

4வது ஃப்ளோரில் நுழைந்தவுடந்தான் மூச்சே வந்தது. எங்கு பார்த்தாலும் நம்ம லாப்டாப் மற்றும் ப்ரிண்டர் ஆசாமிகள்தான். இந்த முறையாவது ஒரு நல்ல புது மாடல் லாப்டாப் வாங்கிவிடலாம் என்ற எண்ணத்தில் இருந்த என்னை, வாடா என் ராசா என்பது போல் உள்ளே அழைத்துக்கொண்டது அந்த ஃப்ளோர். ஒரு பேப்பர் பொறுக்கும் பையனின் ஆர்வத்துடன் உள்ளே நுழைந்து அனைத்து விளம்பரசீட்டுகளையும் வாங்கிக்கொண்டேன்(பொறிக்கிக்கொண்டேன்). ஆங்காங்கே குனிந்து நின்று ஆர்வத்துடன் கவனித்துக்கொண்டிருந்த பெண்களைக்கூட பார்க்காமல் சுற்றினேன் என்றால் பார்த்துக்கொள்ளுங்களேன்.

6வது ஃப்ளோரில் முழுக்க குட்டி குட்டி கடைகள். அவைகளை இன்னும் பார்க்கவில்லை. பார்த்துவிட்டு முடிந்தால் படத்துடன் தொடர்கிறேன்.




Copyright 2006| Blogger Templates by GeckoandFly modified and converted to Blogger Beta by Blogcrowds.
No part of the content or the blog may be reproduced without prior written permission.