காங்கிரஸ் அரசு ஸ்திரமான ஆட்சிமையத்தை கொண்டிருக்கவில்லை. மன்மோகன்சிங் பிரதமராக முன்னிருத்தப்பட்டாலும், சோனியா குடும்பமே ஆட்சி செய்தது. (சீனா ஒலிம்பிக் போட்டியின் போது சோனியாவிற்கு அழைப்பு அனுப்பியது ஆனால் மன்மோகன்சிங்கிற்கு அனுப்பவில்லை)
அமெரிக்காவின் கூலியாக செயல்பட்டது. இந்தியாவின் தொலைநோக்கு திட்டங்களுக்கு இது உதவுவதாக அவர்கள் கூறிக்கொண்டாலும், உலகநாடுகள் மத்தியில் இது ஒரு தலைகுனிவே.
கடந்த காங்கிரஸ் ஆட்சியின் சாதனை என்று எந்த ஒரு விஷயத்தையும் நம்மால் எளிதில் நினைவுகூறமுடியாது. இப்படி இருந்தது ஆட்சி.
இலங்கை விஷயத்தில் தமிழர்களை மீண்டும் ஒருமுறை திட்டமிட்டு ஏமாற்றியது. பல்லாயிரம் தமிழர்கள் உயிரை இலங்கை ராணுவம் அழிக்க, இந்தியா மறைமுகமாக நேரடி உதவி அளித்தது.
இலங்கையில் நடந்த இனவொழிப்பை கண்டிக்ககூட இல்லை. காஸாவில் நடந்த யுத்தத்தை கண்டித்த காங்கிரஸ் அரசுக்கு இலங்கை கண்ணில் தெரியவே இல்லை. ஒரு குருட்டு அரசாங்கம் நடத்தப்பட்டது.
திமுக தமிழினத்தலைவரை ஒவ்வொரு முறையும் தங்கள் தலைவராக ஜனநாயக முறையில் தேர்ந்தெடுக்கும் கட்சியாக இருந்துகொண்டு இலங்கை விவகாரத்தை கண்டிக்க பிரதமருக்கு கடிதம் எழுதி, தங்கள் பங்கிற்கு தமிழர்களை ஏமாற்றினர்.
திமுக ஒரு குடும்பகட்சியாக மாறி வருவதால், அவர்களை தேர்ந்தெடுத்தால் தமிழ்நாட்டிற்கு எந்த அளவில் நன்மைகள் கிடைக்கும் என்பது கேள்விக்குறி.
திமுகவால் ஒரு திறமையான ஆட்சியை தமிழகத்தில் கொடுக்க முடியவில்லை. நீதிமன்றத்தில் நடந்த வழக்கறிஞர் காவல்துறை சம்பவத்தில் மிக மோசமான அணுகுமுறையை கையாண்டது.
எதிர்கட்சிகளில் இருந்து வருபவர்களை எல்லாம் ஏற்றுக்கொள்ளும் தாராளமான கட்சியாக திமுக இருந்தாலும், கொள்கை அடிப்படை ஏதும் இன்றி வருவோரை எல்லாம் சேர்த்துக்கொள்வதால் கட்சி மீதான நம்பிக்கை குறைந்திருக்கிறது.
தமிழர்களின் உயிர்களை மிக துச்சமாக மதிக்கும் இந்த கூட்டணி ஆட்சிக்கு வந்தால், தமிழர்களின் நலன் பாதிக்கப்படும்.
சுருக்கமாக சொன்னால், தமிழர்களுக்கெதிரான கூட்டணி இது.
லேபிள் அரசியல்
தேமுதிக பிரேமலதா விஜயகாந்த் தாக்கப்பட்டார் - அரசியல் நாசமாய்ப்போக(3)
12 மறுமொழிகள் எழுதியவர் கிஷோர் நேரம் 10:40 AMதேமுதிக தலைவர் விஜயகாந்த்தின் மனைவி பிரேமலதாவின் கார் தாக்கப்பட்டிருக்கிறது என்ற செய்தி வந்திருக்கிறது,
இந்த செய்தி உண்மையாக இருக்கும் பட்சத்தில், தாக்கியவர்கள் கண்டிப்பாக வழிப்பறி செய்பவ்ர்களாக இருக்கமாட்டார்கள். கண்டிப்பாக ஏதேனும் ஒரு கட்சியை சார்ந்தவர்களாகத்தான் இருப்பார்கள்.
என்னங்கடா மனசுல நெனச்சிகிட்டு இருக்கீங்க?
ஒரு கட்சி, எம்.எல்.ஏ பதவி இதெல்லாம் மக்களுக்கு சேவை செய்யறதுக்காக இருக்கணும் அத விட்டுட்டு ஏதோ காண்ட்ராக்ட் பிசினஸ் மாதிரி பண்ரதுக்கு, நீங்கள்ளாம் ___________ பொழைக்கலாம்.
மக்களுக்கு சேவை செய்யறதுக்கு இவ்வளவு அடிச்சுக்கறீங்களே ரொம்ப பெருமையா இருக்கு.
போலீஸ் என்ன செய்யுதுனு தெரியல, சம்பவத்தின் புகார் கூட எடுக்க மறுத்துவிட்டார்களாம்.
அமைச்சர்கள் இரண்டு வாரமாக இங்கு தங்கி ஓட்டு சேகரித்துவருகின்றனராம். உங்களை அமைச்சராக்கி அழகு பார்த்தத்ற்கு நல்ல முக்கியமான காரியம் செய்து கொண்டிருக்கிறீர்கள். நன்றிகள் பல.
கவிதை மட்டுமே எழுதும், தமிழினத்தலைவருக்கு குறிப்பிட்ட திசையில் இருந்து வரும் செய்திகள் கண்ணுக்கு தெரிவதில்லையாம், காதில் விழுவதில்லையாம். அவருக்கு உடல்நிலை குணமாக இறைவனை மனமாற ப்ரார்த்திக்கிறேன்.
சில கட்சிகள் செய்யும் வன்முறையை பார்த்தும், அவர்களுக்கு ஓட்டு போடும் மக்களை 24 மணி நேரமும் மின் தடை செய்தாலும் தப்பில்லை.
வாழ்க ஜனநாயகம்
லேபிள் அரசியல்
இதை எழுத உட்காரும் முன், இருக்கையின் அடியில் ஏதும் குண்டு சமாச்சாரங்கள் இருக்கின்றனவா என்று பார்த்து உட்காரவேண்டி இருக்கிறது.
இந்த தீவிரவாதக்கிறுக்கு பசங்க, என்னதுக்குன்னே தெரியாம அங்க இங்க குண்டு வைத்துவிட்டு சென்றுவிடுகின்றனர்.
இந்த நாய்கள் குண்டு வைத்தால் மட்டும் என்ன பெரியதாக செய்துவிட முடியும்?
மக்களை கொல்வதால் என்ன பயன் கிடைக்கப்போகிறது?
போகிற வழிக்கு பல மூட்டை பாவங்கள்(?) தான் கிடைக்கப்போகின்றது.
முட்டாள்தனமான ஒரு சித்தாந்தத்தில் வாழும் மூடர்கள்.
டேய் தீவிரவாத திருட்டுப்பசங்களா, உங்களால ஒரு **** **** முடியாது
==============================
தமிழ்நாடு சந்தோஷமாக இருக்கின்றது.
ஆள்பவர் குடும்பத்துடன் சந்தோஷமாக இருப்பதால், மக்களுக்கும் அது தொற்றியிருக்கும் என்று நம்புகிறேன்.
மற்றபடி விலைவாசி, பொருளாதார விஷயங்களை யாராவது கவனித்துக்கொள்ளட்டும் என்று, பேருந்தில் ஜன்னல் வழியே கர்ச்சீஃப் போட்டு இடம் பிடிப்பதில் பிசியாக உள்ளனர் பொதுஜனத்தினர். இடம் கிடைத்தவரும் சந்தோஷப்படுகின்றார். இடம் கிடைக்காமல் தொங்கும் வாலிபனும் சந்தோஷமாக உள்ளான்.
முக்கிய எதிர்க்கட்சி தலைவர் திடீரென்று அரசியலில் இருந்து ஓய்வு பெற்றுள்ளதால், அவரும் சந்தோஷமாக உள்ளார்.
இவர் இப்படி சந்தோஷமாக உள்ளதால், அடுத்த இடத்தை பிடிக்க போராடும் மற்ற கட்சித்தலைவர்களும் தொண்டர்களும் சந்தோஷமாக உள்ளனர்.
நம்ம எம்.பிக்களும் சந்தோஷமாக உள்ளனர் மற்ற மாநிலங்கள் போல அதிக காசு பார்க்கமுடியாமல் நேர்மையாய் ஓட்டு போட்டதற்கு
குசேலன் வருவதால் ரஜினி ரசிகர்களை விட தியேட்டர் முதலாளிகளும் சந்தோஷமாய் உள்ளனர்.
எல்லோரும் சந்தோஷமா இருங்கப்பா.
என்ன செய்துகொண்டிருக்கிறார்கள் அரசியல்தொழிலதிபர்கள் (அரசியல்வாதிகள்)?
மக்களுக்கு சேவை செய்ய தங்களுக்குள் அடித்துக்கொள்வோரை வேறெப்படி சொல்வது.
தமிழக மீனவர்களை சுட்டுவீழ்த்திக்கொண்டிருக்கிறது ஒரு படை, அதை எதிர்க்க துப்பில்லை.
மனித உயிர் என்ன அவ்வளவு மலிவா?
சேது சமுத்திரதிட்டத்திற்கு உயிரையும் தர தயாராய் இருக்கும் சில தலைவர்கள் இவ்விஷயத்தை சிந்திக்க இவ்வளவு நாள் எடுத்துக்கொள்வது வினோதமாய் உள்ளது.
சிலர் தமிழகத்தை மறந்து கோடை வாசஸ்தலத்தில் குடிகொண்டுள்ளனர். எனக்கு சத்தியமாக புரியவில்லை. என்ன நடக்கிறது இங்கே.
கொஞ்சம் தெளிவாக யோசிக்க அரசியல்வாதிகளே இல்லையா?
குடும்ப நலனை யோசித்தபின், கேபிள் பிரச்சினைகளை பார்த்தபின், கதை வசனம் எழுதியபின், விழாக்களுக்கு சென்று வந்தபின், கூட்டணி அரசியல் நடத்தியபின் சற்று நேரம் இருந்தால் மக்களை கவனியுங்கள்
17ம் தேதி கூட்டம் கூடுகின்றனர். பார்க்கலாம் என்ன செய்வார்கள் என்று?
கோபங்கள் தொடரும்.
தமிழ்நாட்டில் அனைத்து கட்சிகளை பற்றியும் செய்தி தருகின்ற சேனல்கள் மிகக்குறைவு(இல்லை என்பதின் நாகரீக வடிவம்).
சன் தொலைக்காட்சியும் ஜெயா தொலைக்காட்சியும் அடித்த கூத்து இன்னும் நினைவில் இருக்கும் என்று நம்புகிறேன். உதாரணமாக கலைஞர் கைதின் போது கண்டனத்தை தெரிவியுங்கள் என்று சன் ஒரு ஜனாதிபதி அலுவலக தொலைபேசி எண்ணைக்கொடுக்க, அதே நேரம் ஜெயா காவிரி பிரச்சினைக்கு புகார் தெரிவியுங்கள் என்று பிரதமர் அலுவலக எண்ணையும் கொடுத்து அசத்தின.
இந்நிலையில் மேலிட பிரச்சினைகள் காரணமாக, சன் நல்ல பிள்ளையாகிவிட. இப்போது சன் செய்திகளில், கேப்டன் பேசுகிறார், அம்மா பேசுகிறார், ஆட்டுக்குட்டி பேசுகிறது. இது மிக தாமதமான கண் திறப்பு. ஆக இருந்தாலும் மக்கள் இன்னும் சன் செய்திகளையே பார்த்துக்கொண்டிருப்பதால் ஒரு விதத்தில் பலன் அளிக்கவே செய்கிறது.
சன் என்றாலே ஒரு சர்வாதிகார வெறுப்பு மனப்பான்மை பெரும்பான்மையானோருக்கு வந்துவிட்டதால், சன்னின் சூரியநமஸ்காரம் கண் கெட்ட பிறகே வந்திருக்கிறது.
தாமதம் என்பதால் இப்பதிவும் ஒரு சன்நமஸ்காரமே!
நம்ம அமைச்சர் அன்புமணி ராமதாஸ் கரண் தப்பாரிடம் CNN-IBN-ல் வசமாக மாட்டிக்கொண்டு வெளியிட்ட கருத்துகள் இப்போது CNN-IBN-கு ஹாட் டாபிக்காகி விட்டது.
அமைச்சர் பாட்டுக்கு சிவனேனு தாங்க இருந்தாரு, இந்த கரண் இருக்காரே ஏற்கனவே அவருக்கும் நிறைய அரசியல்வாதிகளுக்கும் வாய்க்கால் தகராறு இருக்கு(ஒருமுறை நம்ம ஜெயலலிதாவை முகம் சிவக்க வைத்தார் பின்பு தலைவர் மோடியை பேட்டி ஆரம்பிக்கும் முன்பே பெட்டி கட்ட வைத்தார்). கரணின் ஸ்டைலே எதிராளியை எமோஷனல் ஆக்கி அல்லது வெறுப்பேற்றி விஷயத்தை கறப்பதுதான். நிறைய முறை முதல் கேள்விக்கு பதில் அளிக்கும் முன் 10 கேள்விகள் கேட்டு எதிராளியை திணறடிப்பார். பலரின் முன்னேற்பாடுகளையும் ஒத்திகைகளையும் இது சல்லடையாக்கி ஆளை முடித்து விடும்.
இம்முறை அந்த அளவுக்கு அடி ஏதும் இல்லை. இருப்பினும் ஒவ்வொன்றாக அமைச்சரிடம் போட்டு வாங்கி, அமைச்சரிடம் இருந்து வார்த்தைகளை. அமைச்சர் நினைத்துகூட பார்க்கமுடியா அளவுக்கு ரஜினியை எல்லாம் இழுத்து ரகளை செய்திருக்கிறார் கரண்.
ஒரு கேள்வியில் "ஷாருக்கான் கிரிக்கெட் போட்டியின் போது சிகரெட் பிடித்ததை பற்றி என்ன கருதுகிறீர்கள்?" என்றார் கரண்.
அதற்கு அமைச்சர், "முழுக்க முழுக்க தேவையற்றது. என்ன அவசியம்?" என்று கேள்வி எழுப்பியுள்ளார்!!!
மேலும் பல ருசிகர கேள்விபதில்கள்
http://ibnlive.com/news/srk-puffs-out-ramadoss-no-smoking-appeal/57533-3.html
இவ்வளவு புரட்சிகளை(!) செய்து வரும் பா.ம.க தன் கட்சிக்குள் இவற்றை எந்த அளவு கடைபிடிக்கிறது? புகைப்பிடிப்போரை கட்சியை விட்டு நீக்கிவிடுமா?
இந்திய அணியின் ஒருநாள் போட்டித்தொடர்களிலிருந்து கங்குலியும் ட்ராவிடும் நீக்கப்பட்டுள்ளனர். சொல்லப்படும் காரணம் இளமை புதுமை. எல்லாம் சரி தான். ஆனால் form-ல் இருக்கும் கங்குலியை நீக்குவது ஒரு சரியான முடிவாக இருக்கப்போவதில்லை. மேலும் அது அணியின் ஒற்றுமையை அடுத்த டெஸ்ட் போட்டியில் சிதைத்துவிடும் அபாயம் இருக்கிறது.
இந்நேரத்தில், இருக்கும் இளமை கூட்டணியின் செயல்திறமையையும் ஒருமுறை பரிசீலனை செய்வது நன்று. தோனி, அவர் கடைசியாக நன்றாக விளையாடியது எப்போதென்பதே நினைவில் இல்லா அளவுக்கு இருக்கிறது அவருடைய performance! அணித்தலைவரின் நிலையே இப்படி இருக்கும்போது மற்றவர்களை எப்படி அளவிடுவது?
கண்டிப்பாக இந்திய அணி ஒருநாள் முதியோர் இன்றி விளையாடும் நிலை வரத்தான் போகிறது, அதற்காக பயிற்சி கொடுப்பதும் சரி. கங்குலி போன்றோரை நீக்குவதும் சரி. ஆனால் எல்லாவற்றிற்கும் இடம் பொருள் ஏவல் பார்ப்பது நன்று.
இன்னொரு வீரர் ட்ராவிட், தற்சமயம் இவரது form கேள்விக்குறியாக இருப்பதால் இவரை ஒருநாள் போட்டியை விட்டு விலக்குவதில் பெரிதாய் ஒன்றும் கேள்வி எழப்போவதில்லை. ஆனால் இந்திய அணியை பல ஆட்டங்களில் தன் தோளில் சுமந்த ஒரு வீரரின் இறுதி நிலை இப்படி இருக்கும் என்று யாருமே எண்ணியிருக்க மாட்டார்கள். தற்பொதைய புதிய வீரர்கள் இதை ஒரு பாடமாக கொள்வது நன்று.
"இதுவும் கடந்து போகும்"
லேபிள் அரசியல், கிரிக்கெட், விளையாட்டு