கேன்சர் நகரம் கடலூர்

சாபக்கேடாக வந்து வாய்த்திருக்கின்றன சில வரங்கள் எங்கள் ஊருக்கு.
சிப்காட் தொழிற்பேட்டை கடலூருக்கு ஒரு வரப்பிரசாதமாக கருதப்பட்ட நிலையில் அது தன் கோரமுகத்தை காட்ட துவங்கியிருக்கிறது இந்த வரம்.

சாதாரணமாக 10 லட்சம் பேரில் ஒருவருக்கு வர வாய்ப்பு இருக்கும் கேன்சர், எங்கள் ஊரில் 1000‍ல் இருவருக்கு வர வாய்ப்ப்ய் இருப்பதாக கூறுகின்றன சோதனை அறிக்கைகள்.

மெல்ல மெல்ல ஊடுருவிக்கொண்டிருக்கிறது நோய். யாருக்கும் அறியாமல் ஆனால் உறுதியுடன்.

நாக்பூரில் அமைந்திருக்கும் தேசிய சுற்றுப்புறசூழல் ஆராய்ச்சி அமைப்பு தான் இத்தகவலை வெளியிட்டிருக்கிறது.

கடலூர் சிப்காட் தொழிற்பேட்டையில் இருப்பவை முழுவதும் கிட்டத்தட்ட கெமிகல் கம்பெனிகள். இருப்பது தவறில்லை யாருக்கும் பழுதில்லா நிலையில். என்ன எழுதுவது என்று தெரியாத நிலையில் தள்ளி என்னை வாட்டி எடுக்கிறது இச்செய்தி.

பகலை விட இரவுநேரங்களில் அதிக மாசு வாயுக்களை வெளியிட்டு கொல்கின்றன பெரும்பாலான தொழிற்சாலைகள்.

இது பற்றிய அறிக்கையை தேசிய சுற்றுப்புறசூழல் ஆராய்ச்சி அமைப்பு, தமிழ்நாடு மாசு கட்டுப்பாட்டு வாரியத்துக்கு 2004‍ லிலேயே இந்த அறிக்கையை தந்துவிட்டதாம். இன்னும் சாவு எண்ணிக்கை வராததால் ஒருவேளை வாரியம் காத்திருக்கிறதென்று நினைக்கிறேன்.

சிப்காட்டை சுற்றி இருக்கும் பகுதிகளில் உள்ள காற்றில் வழக்கத்துக்கு மாறாக 94 வித மாசுக்கள் கலந்திருக்கின்றன. அவற்றில் 15 மிகக்கொடியவை.

இரத்தப்புற்றுநோயை உருவாக்கும் பென்ஸீன் இப்பகுதிகளில் 15 மடங்கு அதிக அளவில் உள்ளது.

இதில் முக்கிய விஷயம், இந்த சோதனைகளை செய்த நேரத்தில் பல தொழிற்சாலைகள் மூடப்பட்டிருந்தனவாம். அதற்கே இந்த நிலைமை. அவையும் செயல்பட்டுக்கொண்டி(று)ருந்தால், என்ன நடந்திருக்கும்.

ஆங்கிலேயர் காலத்தில் தமிழகத்தின் முதல் தலைநகரமாக செயல்பட்டு வந்த கடலூர், இன்றும் அழியப்போவதிலும் முதலாவதாகவே உள்ளது.

ஒருவிதத்தில், கன்னத்தில் முத்தமிட்டால் படத்தில் வரும் "விடைகொடு எங்கள் நாடே" பாடல் எங்களுக்கும் பொருந்தும். ஒரே ஒரு மாற்றத்துடன் "விடைகொடு எங்கள் உலகே.......பிழைத்தால் வருகிறோம்".

மேலதிகத்தகவல்களுக்கு:

http://www.sipcotcuddalore.com/News_Thaindian_230308.html
http://www.sipcotcuddalore.com/pr_220308.html


Name of Chemical

Highest Level (microgram/m3)

Location

Times above safe levels

Benzene

31.174

Asian Paints

125

Carbon tetrachloride

72

Tagros Chemicals

553

Chloroform

74

Shasun

881

Methylene Chloride

133

Tanfac

32.5

Trichloroethylene

24

Aurobindo Chemicals

21.8


6 Comments:

  1. வடுவூர் குமார் said...
    படிக்கவே கஷ்டமாக இருக்கு.
    :-(
    கிஷோர் said...
    ஆமாம் குமார். ஏதாவது செய்தாக வேண்டிய கட்டாயத்தில் இருக்கிறோம்
    Voice on Wings said...
    வலைப்பதிவு என்னும் ஊடகத்தை சரியான வகையில் பயன்படுத்தி விழிப்புணர்வை ஏற்படுத்தும் உங்கள் முயற்சிக்கு எனது பாராட்டுக்கள். இந்தப் பிரச்சனை குறித்து நகரத்துப் பிரமுகர்கள், தொண்டு நிறுவனங்கள், ஆகியோர் என்னென்ன முயற்சிகள் எடுத்துள்ளார்கள் என்பது குறித்தும் (உங்களுக்குத் தெரிந்தால்) தெரியப்படுத்தவும்.
    கிஷோர் said...
    நன்றி voice of wings. தற்சமயம் சிங்கையில் இருப்பதால் இது குறித்த மேலதிகத்தகவல்களை திரட்ட முடியவில்லை. இதே பிரச்சினைக்காக இயங்கும் சில நண்பர்கள் உதவியை நாடியிருக்கிறேன்
    சந்தோஷ் said...
    கடலூர் சிப்காட் தொழிற்சாலைகளை தோல் உரிச்சிட்டீங்க.கடலூர் மக்களின் துயரங்களை பதிவிட்டமை உங்கள் ஊரின் மீது தாங்கள் வைத்துள்ள அக்கரையை காட்டுகிற‌து.விடியும் பொழுது எப்பொழுதோ ? தொடர்ந்து எழுதுங்கள் சமூக நலனுக்காக‌.
    கிஷோர் said...
    நன்றி சந்தோஷ். நம் கடலூரின் ஆபத்தை உணராவிடில், ஊரை காலி செய்துவிட்டு கேன்சருடன் அகதியாய் செல்ல வேண்டியது தான். கடலூர் துறைமுகதுவாரம் நினைவில் இருக்கும் என்று நினைக்கிறேன். அங்கிருந்த மீன்கள் முழுதும் அழிந்துவிட்டன. அங்கு இறக்குமதி செய்யப்பட்டுக்கொண்டிருந்த யூரியா, வெட்ட வெளியில் வைக்கப்பட்டிருந்ததால் மழையில் கடலில் கலந்து விட்டது. :-(

Post a Comment





Copyright 2006| Blogger Templates by GeckoandFly modified and converted to Blogger Beta by Blogcrowds.
No part of the content or the blog may be reproduced without prior written permission.